İsveçdə taekvondo üzrə keçirilən XXI “Trelleborg Open” turnirinə yekun vurulub. Taekvondo Federasiyasından apasport.az saytına verilən məlumata görə, yarışa qatılan Azərbaycan millisinin üzvləri 3 qızıl, 1 gümüş və 2 bürünc medala sahib olublar.

Avropa Taekvondo Birliyinin (ETU) “A” kateqoriyalı turnirində böyüklərdən Ramik Nəzərov (63 kq), gənclərdən isə Pərvin Əliyev (59 kq) və Seyidəzim Bədirxanlı (+78 kq) fəxri kürsünün ən yüksək pilləsinə qalxıblar.

Gənclərdən Vladislav Subbotin (73 kq) yalnız final döyüşündə məğlub olaraq, komandamızın aktivinə gümüş medal yazdırıb. Elnur Məhərrəmov (78 kq) və Təranə Məmmədova (46 kq) isə bürünc medal qazanmaq şansını əldən verməyiblər.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub