Misirin Şarm-əl-Şeyx şəhərində Ümumdünya Taekvondo Federasiyası (WTF) İcraiyyə Komitəsinin növbəti iclası keçirilib. Taekvondo Federasiyasının mətbuat xidmətindən apasport.az saytına verilən məlumata görə, yığıncaqda WTF-in vitse-prezidenti, Azərbaycan Taekvondo Federasiyasının prezidenti Kəmaləddin Heydərov iştirak edib.

İclasda döyüşlərə təbiq edilən yeniliklərə və qarşıdakı rəsmi yarışların təqviminə aydınlıq gətirilib. Belə ki, 2013-cü ildə böyüklər arasında dünya çempionatının Meksikada, dünya kuboku və parataekvondo üzrə IV dünya çempionatının Seneqalda, 2014-cü ildə gənclərin dünya çempionatının isə Tayvanda keçiriləcəyi təsdiqlənib.

Şarm-əl-Şeyx Beynəlxalq Konqres Mərkəzində, WTF-in XXlll Baş Assambleyasında isə Dünya Taekvondo Federasiyası İcraiyyə Komitəsinin qərara aldığı məsələlər açıqlanıb. Təşkilatın 74 ölkəsinin nümayəndələrinin qatıldığı məsul yığıncaqda WTF-in İcraiyyə Komitəsinin üzvü, ATF-in birinci vitse-prezidenti Füzuli Musayev də iştirak edib. Assambleyada əsasnəmənin bəzi bəndlərində nəzərdə tutulan dəyişikliklər səsvermə ilə qəbul olunub. Sonda WTF-in prezidenti doctor Çunqvon Çou, olimpiadaya lisenziya götürən ölkələri təbrik edərək uğurlar arzulayıb.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək