Apreldə Rusiyanın Çelyabinsk şəhərində keçiriləcək cüdo üzrə Avropa çempionatına yollanacaq Azərbaycan milli komandasının heyəti məlum olub. Apasport.az saytının məlumatına görə, aprelin 26-29-da keçiriləcək yarışda yığmamız 10 cüdoçu ilə təmsil olunacaq.

Baş məşqçi Ağayar Axundzadə çempionatda Orxan Səfərov (60 kq), Tərlan Kərimov, Nicat Şıxalizadə (hər ikisi 66 kq), Rüstəm Orucov (73 kq), Elxan Rəcəbli (81 kq), Elxan Məmmədov, Timur Əlixanov (hər ikisi 90 kq), Elmar Qasımov (100 kq), Kifayət Qasımova (57 kq) və Ramilə Yusubovaya (63 kq) güvənəcək. O, Çelyabinskə yollanacaq heyətə Olimpiya çempionu Elnur Məmmədli (81 kq) və İlqar Müşkiyevin (60 kq) adını daxil etməyib. Onlar fərdi proqramla hazırlıqlarını davam etdirirlər.

• Bakıda Avropa su idmanının gələcəyi müzakirə olunub
• III Xankəndi Ultramarafonu: İlk mərhələnin qalibləri bəlli olub
• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub