İspaniyanın “Barselona” klubunun futbolçusu Lionel Messi yeni rekord müəyyənləşdirib. Lent.az-ın məlumatına görə, argentinalı hücumçu 2011-2012-ci il mövsümündə İspaniya çempionatında 50 qol vurub.

Onun əsas rəqibi, “Real Madrid”də çıxış edən Kriştianu Ronaldu isə 46 qolla kifayətlənib. Messi artıq ikinci mövsüm bombardir olur. 25 yaşlı forvard 2009-2010-cu il mövsümündə rəqib qapılarının torunu 34 dəfə silkələyib.

Bu mövsüm Messi həm də “Barselona” tarixinin ən yaxşı bombardirinə çevrilib. Hesabında 252 qol olan argentinalı futbolçu bütün dövrlərin qolçusu Sezar Rodrigesi 20 top qabaqlayıb.

Nəhayət, mövsümün son oyunu – “Barsa”nın mayın 25-də “Atletik”lə keçirəcəyi ölkə kubokunun final matçı öncəsi “Qızıl top”un 3 qat sahibinin hesabında 72 qol var. Bu göstəricidə Messi 1972-1973-cü il mövsümündə Almaniya “Bavariya”sının heyətində 67 qol vurmuş Herd Mülleri qabaqlayır.

Qeyd edək ki, “Barselona” İspaniya çempionatını gümüş medalla başa vurub.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək