Çinin Quançjou şəhərində keçirilən boks üzrə qadınlar arasında dünya çempionatının finalında Azərbaycan yığmasının üzvü Yelena Vıstropovanın (75 kq) rəqibi məlum olub. Apasport.az saytının məlumatına görə, həlledici görüşə vəsiqə qazanmaqla London-2012-yə lisenziyaya sahib olan 23 yaşlı təmsilçimiz qızıl medallar uğrunda döyüşdə ingiltərəli Savanna Marşallla qarşılaşacaq.

2010-cu ildə mundialın gümüş mükafatına sahib çıxan britaniyalı yarımfinalda rusiyalı Nadejda Torlopovanı 18:10 hesabı ilə məğlub edib. Vıstropova ilə Marşall arasında final görüşü isə sabah baş tutacaq. Maraqlıdır ki, təmsilçimizin rəqibinin məhz həmin gün mayın 19-da – 21 yaşı tamam olacaq.

Qeyd edək ki, boksda ölkəmizi olimpiadada təmsil edəcək ilk xanım idmançı kimi tarixə düşən Vıstropova yarımfinalda isveçli Anna Laurellə mübarizədən qalib ayırılıb – 16:15.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı