İyunun 27-də Bakıda bədii gimnastika üzrə 19-cu Azərbaycan çempionatı keçiriləcək. Gimnastika Federasiyasından apasport.az saytına verilən məlumata görə, yarışlarda həm böyüklər, həm də 1997-1999-cu il təvəllüdlü idmançılar mübarizə aparacaq. Gimnastlar mütləq çoxnövçülük və ayrı-ayrı proqram növlərində medallar uğrunda qüvvələrini sınayacaqlar.

Ardıcıl 4 ildir Azərbaycan çempionu olan Aliyə Qarayeva bu dəfə də titulunu qorumağa çalışacaq. O, yarışlarda London Olimpiadasında təqdim edəcəyi proqramla çıxış edəcək.

Birincilik uğrunda onun əsas rəqibləri Lalə Yusifova və Ayşə Mustafayeva olacaq. Adıçəkilən idmançılar bu ildən böyüklər kateqoriyasına keçiblər.

Qeyd edək ki, Bakı Olimpiya İdman Kompleksi baş tutacaq yarışda “Neftçi” İSM-in gimnastları ilə yanaşı, Respublika Kompleks İdman Məktəbi və “Spartak”ın idmançıları, habelə Bakı Gimnastika Məktəbinin, “Sərhədçi”, Gəncə, Sumqayıt və Xırdalanın təmsilçiləri çıxış edəcəklər. Çempionat saat 12:15-də başlayacaq. Yekunda – 16:45-də isə Qala-konsert olacaq.

• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar
• Dağ velosipedi üzrə Azərbaycan Kubokunun 3-cü mərhələsinə yekun vurulub