Bolqarıstanın paytaxtı Sofiyada boks üzrə yeniyetmələr arasında Avropa birinciliyi davam edir. Boks Federasiyasının mətbuat xidmətindən apasport.az saytına verilən xəbərə görə, yarışın növbəti günündə daha 4 həmyerlimiz rinqə çıxıb.

50 kq çəki dərəcəsində yarışan Tayfur Əliyev litvalı Yaroslav Karpoviçi 18:7 hesabı ilə məğlub edərək, ¼ finala vəsiqə qazanıb. Avropa birinciliyindəki 3-cü Azərbaycan-Ermənistan mübarizəsi boksçularımızın üstünlüyü ilə yekunlaşıb. Bu dəfə Elnur Şəfizadə (48 kq) Artur Qeinşapyan üzərində 17:14 hesabı ilə qələbə qazanıb. Xatırladaq ki, buna qədər Məhəmmədəli Tahirov (80+kq) və Orxan Əliyev də (80kq) erməni rəqiblərini məğlub etmişdilər.

52 kq çəki dərəcəsində yarışan Məsud Yusifzadə ilk görüşdə qalib gəlsə də, ikinci qarşılaşmada Ukrayna idmançısı Vitali Solyanikə 11:15 hesabı ilə uduzaraq, yarışdan kənarda qalıb. Şamil İbrahimzadə isə (57 kq) ikinci döyüşünü də qalibiyyətlə yekunlaşdırıb. Boksçumuz bu dəfə İngiltərəni təmsil edən Sahir İqbalı 10:5 hesabı ilə üstələyib. Avropa birinciliyinə13 boksçu ilə yollanan milli komandamızdan hələ ki 4 idmançı mübarizəni dayandırıb.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar