Britaniya ordusu XXX Yay Olimpiya Oyunlarının paytaxtı Londonun səmasını nəzarətə götürüb. Apasport.az saytının məlumatına görə, yarışın açılış mərasimindən 3 gün öncə başlayan asayişin qorunması prosesinə 30 min hərbçi cəlb olunub.

Olimpiya parkının ətrafındakı 6 nöqtədə “Rapira” zenit-raket kompleksləri yerləşdirilib. Belə komplekslərdən birini şəhər əhalisi və qonaqlar Blek-Hills rayonundakı istirahət zonasında müşahidə edə bilirlər. Həmin obyekt hasarla əhatə olunub.

Düzdür, əhalinin bir qismi bu komplekslərə qarşı çıxıb. Hətta hərbçiləri məhkəməyə verən də olub. Lakin Böyük Britaniyanın Ali Məhkəməsi həmin raketlərin öz yerində qalmasını məqsədəuyğun sayıb. Bundan əlavə, Temza çayında HMS Okean vertalyotdaşıyan gəmisi də lövbər atıb.

Olimpiada vaxtı asayişi təkcə hərbçilər qorumayacaq. Bu işə 10 min polis əməkdaşı və 4 min mühafizəçi də cəlb olunub.

Qeyd edək ki, Olimpiada iyulun 27-də başlayacaq.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib