“Əlbəttə, 6 cüdoçumuzun uduzması psixoloji cəhətdən bizim üçün pisdir. Liderin qələbəsi bizə ruh verərdi”. Bunu apasport.az saytının Londona ezam olunmuş əməkdaşına açıqlamasında Azərbaycan Olimpiya millisinin cüdoçusu Elxan Məmmədov (90 kq) deyib.

Təcrübəli idmançı London Olimpiadasında komanda yoldaşlarından 6-sının mübarizəni dayandırmasına münasibət bildirib. Sabah tatamiyə çıxacaq Məmmədov bildirib ki, Pekində Elnur Məmmədlinin inamlı qələbəsi Mövlud Mirəliyevə psixoloji cəhətdən dayaq olmuşdu: “İndi isə Olimpiya çempionumuz əhvalımızı korladı. Ancaq qələbə üçün əlimizdən gələni etməliyik. Gərək rəqiblərimizdən heyfimizi alaq”.

Qeyd edək ki, cüdo yığmamızın heyətində Elxanla yanaşı, Elmar Qasımov (100 kq) hələ tatamiyə çıxmayıb. Digərləri isə yarışı erkən tərk ediblər.

• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”