London Olimpiadasında Azərbaycan millisinin ilk atleti Dmitri Marşin növbəti mərhələyə yüksələ bilməyib. Apasport.az saytının məlumatına görə, 39 yaşlı milliləşdirilmiş legionerimiz çəkiçatma növündə qrupda qalıb.

Belə ki, yarışda 42 idmançı 2 qrupda qüvvəsini sınayıb və hər birində 21 atlet yer alıb. Olimpiadaya 1096 nömrəsi ilə qatılan Azərbaycan atleti Dmitri Marşin mübarizəyə B qrupunda başlayıb. 12-cı sıra nömrəsi ilə gücünü sınayan idmançımız ilk cəhdində 72,06 m nəticə göstərib. Növbəti atışını düzgün yerinə yetirə bilməyən Marşın sonuncu sınağında göstəricisini yaxşılaşdırsa da (72,85 m) bu ona mərhələ keçmək üçün kifayət etməyib. Beləliklə, atletimiz London Yay Olimpiya Oyunlarını 20-ci yerdə bitirib. Onun finala yüksəlməsinə 1,84 m-i çatmayıb.

Həlledici mərhələyə isə 12 ən güclü idmançı yüksəlib.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!