London Olimpiadası təkcə idman mübarizəsi ilə deyil, romantik hadisələrlə də zəngindir. Apasport.az saytının məlumatına görə, yarış vaxtı evlilik təklifi etməyə qərar verən insana da təsadüf olunub.

Belə ki, İtaliya yığmasının voleybolçusu Antonella Del Kore məhz bu cür orijinal təkliflə üzləşib. Apenninlərin Yaponiya ilə qarşılaşmasından sonra özünü meydana atan İrls Kurt minlərlə tamaşaçının gözü qarşısında idmançıya ailə qurmaq təklif edib. Elə tribunların canlı izlədiyi romantik səhnə zamanı sürprizə imza ataraq, nişan üzüyünü xanıma hədiyyə edən Kurt Antonellanın “hə” cavabını alınca, onu elə meydandaca öpüb.

Qeyd edək ki, 2010-cu ildən Türkiyənin “Əczaçıbaşı” klubunun şərəfini qoruyan voleybolçu yeni mövsümdə Azərbaycana da gələcək. Onun şərəfini qoruduğu İstanbul təmsilçisi Çempionlar Liqasında “Azərreyl”lə D qrupunda yer alıb.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!