London Olimpiadasında yeganə çaparımız Camal Rəhimov bu gün növbəti sınağına çıxıb. Apasport.az saytının məlumatına görə, ilk mərhələni cərimə xalı ilə keçən atçımız II təsnifat mərhələsində özünü yaxşı tərəfdən göstərməyə çalışıb.

Lakin konkur növündə mübarizə aparan Camal yenə istədiyi kimi çıxış edə bilməyib. Belə ki, həmyerlimizin II təsnifat mərhələsindən sonra cərimə xallarının sayı 18-ə çatıb. O, bu dəfə daha 13 cərimə xalı alıb.

İlk mərhələdə 5 cərimə xalı və 85,09 saniyə nəticə göstərən çaparımız Kanada, Misir, Çili və Meksika idmançıları ilə birgə 53-57-ci yerlərə şərik olsa da, növbəti cəhdində 60-cı yeri tutub. Bununla da Camal Londonla vaxtından əvvəl vidalaşıb.

Qeyd edək ki, III mərhələyə 45 ən güclü idmançı yüksəlib.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!