Azərbaycan yığması XXX London Yay Olimpiya Oyunlarında 6-cı medalını rəsmiləşdirib. Apasport.az saytının məlumatına görə, bu nailiyyəti komandamıza boksçumuz Teymur Məmmədov qazandırıb.

91 kq çəki dərəcəsində mübarizə aparan həmyerlimiz yarımfinalda italiyalı Klemente Russoya uduzsa da, Olimpiadanın bürünc medalına sahib olub. Buna qədər isə Rövşən Bayramovla (yunan-Roma güləşi, 55 kq) Mariya Stadnik (qadın güləşi, 48 kq) gümüş, Emin Əhmədov (yunan-Roma güləşi, 74 kq), Yuliya Ratkeviç (qadın güləşi, 55 kq) və Valentin Xristov (ağırlıqqaldırma, 56 kq) bürünc medala layiq görülmüşdü.

Qeyd edək ki, boksçumuz Məhəmmədrəsul Məcidov (+91 kq) yarımfinala yüksəlməklə, özü üçün ən azı bürünc medalı özünə təmin edib. Onun tutacağı yer isə bu gecə 1/2 və final görüşündən sonra dəqiqləşəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub