“Azərbaycanı təmsil edən həmyerlim Valentin Demyanenkonun təsnifat mərhələsində mübarizəni dayandırması məni təəccübləndir. O, medallara real iddiaçı idi”. Apasport.az saytının məlumatına görə, bu sözləri Ukrayna kanoeçisi Yuri Çeban deyib.

200 metr məsafəyə birnəfərlik kanoedə mübarizədə London Yay Olimpiya Oyunlarının çempionu olan ukraynalı vətənində müsahibə verib. Çempion qələbəyə əsas rəqiblərindən olan Azərbaycan təmsilçisi Valentin Demyanenkonun təsnifat mərhələsində sonuncu olaraq mübarizəni dayandırmasına da münasibət bildirib: “Bildiyim qədər onun zədəsi var imiş. Ona görə çox üzüldüyümü deyə bilmərəm. Bu idmandır. Vaxtilə biz onunla Ukrayna yığmasına düşmək uğrunda rəqabət aparırdıq. O da qalib gəlmişdi. Lakin Valentin Azərbaycana getdi. Orada onun hazırlaşması üçün yaxşı şərait yaradıblar. Demyanenko da dünya çempionu oldu. Olimpiadada isə onsuz da çətin idi. Burada zəiflər olmur. Ən çox isə rusiyalı, litvalı və ispan rəqibimdən ehtiyatlanırdım. Lakin ən əsas rəqibim özüm, öz tənbəlliyim idi. Əgər özünə qalib gəlməyi öyrənməsən idmanda sənin yerin yoxdur”.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub