Perunun Lima şəhərində ağır atletika üzrə gənclər arasında dünya birinciliyi davam edir. Apasport.az saytının məlumatına görə, turnirdə iştirak edən Azərbaycan milli komandasının üzvlərindən daha ikisi körpücük üzərinə çıxıblar.

77 kq çəki dərəcəsində mübarizə aparan Elxan Əliquluzadə ilə Nicat Rəhimov qüvvələrini sınayıblar.

Birdən qaldırma hərəkətində 7-ci olan Əliquluzadə, təəssüf ki, zədə səbəbindən təkanla qaldırma hərəkətinə çıxa bilməyib və yarışı yarımçıq bitirmək məcburiyyətində qalıb.

Elxandan fərqli Rəhimov isə toplamda 340 kq (153 kq + 187 kq) nəticə ilə gənclər arasında dünya çempionatının gümüş medalına sahib olub.

Qeyd edək ki, idmançılarımızdan Valentin Xristov (62 kq) qızıl, Firudin Quliyev (69 kq) isə bürünc medal qazanıb.

• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb
• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub