Belarusun paytaxtı Minskdə keçirilən boks üzrə Avropa çempionatının 1/4 final mərhələsinə yekun vurulub. Apasport.az saytının məlumatına görə, yarışda milli komandamızın daha bir üzvü bürünc medalı özünə təmin edib.

Bu, Elvin Məmişzadədir. O, 1/4 finalda Macarıstan nümayəndəsi Norbert Kaluçza üzərində inamlı qələbə qazanıb. Hər 3 hakim həmyerlimizin qələbəsini qeydə alıb. Məmişzadənin növbəti rəqibi 2010-cu ilin Avropa çempionu, 2011-ci ilin dünya çempionatının gümüş mükafatçısı uelsli Endryu Selbi olacaq.

Bununla da, komandamız son Avropa çempionatındakı nəticəsini yaxşılaşdırıb. 2011-ci ildə 3 medal qazanan boksçularımız bu dəfə 4 mükafatı özlərinə təmin ediblər.

Qeyd edək ki, digər bürünc medalı özünə təmin etmiş boksçularımız Salman Əlizadə, Məhəmmədrəsul Məcidov və Teymur Məmmədovdur.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb