“Yarımfinalda rəqibim Belarus təmsilçisi Viktor Zuyev olacaq. Onun çox parlaq karyerası var”. Apasport.az saytının məlumatına görə, bunu Azərbaycan millisinin boksçusu Məhəmmədrəsul Məcidov (+91 kq) deyib.

Komandamızın lideri Belarusun paytaxtı Minskdə keçirilən Avropa çempionatının yarımfinal görüşü ilə bağlı fikirlərini açıqlayıb. Dünya çempionu, Olimpiya oyunlarının bürünc mükafatçısı Məcidov karyerasında yalnız Avropa çempionatının medalının olmadığını deyərək, bunun üçün çalışacağını vurğulayıb: “Finala gedən yolda dünya, Avropa çempionatlarında mükafatları var. Çox təcrübəli idmançıdır. Bilirəm ki, yerli idmançılarla qarşılaşanda hakimlərin onlara rəğbəti olur. Odur ki, gərək rəqibindən bir baş güclü olmalısan. Karyeramda Avropa çempionatının medalı yoxdur. Bunu qazanmaq üçün bacardığımı edəcəm”.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb