İyunun 12-23-də Rusiyanın paytaxtı Moskvada keçiriləcək Mixail Talın xatirəsinə həsr edilmiş şahmat üzrə ənənəvi beynəlxalq turnirin bütün iştirakçıları və təqvimi məlum olub. Apasport.az saytının məlumatına görə, sayca 8-ci dəfə baş tutacaq ənənəvi yarışda Azərbaycanı Şəhriyar Məmmədyarov (2753) təmsil edəcək.

Onun rəqibləri Maqnus Karlsen (Norveç, 2864), Vladimir Kramnik (2803), Sergey Karyakin (2782), Aleksandr Morozeviç (2760), Dmitri Andreykin (hamısı Rusiya, 2713), Vişvanatan Anand (Hindistan, 2786), Hikaru Nakamura (ABŞ, 2784), Fabiano Karuana (İtaliya, 2774) və Boris Gelfand (İsrail, 2755) olacaqlar. Dairəvi sistemlə keçiriləcək turnirdə ilk tur iyunun 13-nə təsadüf edəcək. Hər 3 turdan bir - iyunun 16-da və 20-də istirahət günləri olacaq.

Qeyd edək ki, 1 il öncə analoji yarışda ölkəmizi Teymur Rəcəbov təmsil etmişdi və o, Karlsenlə Karuananın ardından 3-cü olmuşdu. Məmmədyarov isə 2010-cu ildə eyni uğura imza atıb.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb