“Milli komandamızın gələcək taleyin bir az narahatçılıq doğurur. Çünki Rusiyanı qarşıdakı Azərbaycan və Şimali İrlandiya yığmaları ilə ciddi matçlar gözləyir”. Apasport.az saytının məlumatına görə, bu fikirləri Moskva “Spartak”ın sabiq futbolçusu Valeri Reynqold deyib. “Sovetski Sport”un idman eksperti milli komandasının 2014-cü il dünya çempionatının seçmə mərhələsində Portuqaliya yığması ilə səfərdə 0:1 hesabı ilə uduzaraq, liderliyini əldən verməyindən sonra gələcəyi ilə bağlı narahatçılıq keçirir.

Onun sözlərinə görə, ruslar seçmə mərhələyə oktyabrda yekun vuracaqları Azərbaycanla oyuna ciddi sınaq kimi baxmalıdır: “Bizim hələ bir səhvə hüququmuz da var. Ancaq İsraillə oyunumuz da qalıb ki, buna görə tez arxayınlaşmamalıyıq. Toparlanıb, Azərbaycan, Şimali İrlandiya və İsraillə qalan matçlarımızda səhvə yol verməməliyik”.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb