Rusiyanın paytaxtı Moskvada Mixail Talın xatirəsinə həsr edilən şahmat üzrə ənənəvi beynəlxalq turnir davam edir. Apasport.az saytının məlumatına görə, sayca 8-ci yarışın 3-cü günündə Şəhriyar Məmmədyarov növbəti görüşünü keçirib.

Qrossmeysterimiz yenə yerli şahmatçı ilə üz-üzə gəlib. Ötən gün rusiyalı zəka sahibi Aleksandr Morozeviçlə heç-heçə edən Məmmədyarov bu dəfə sonuncu pillədə qərarlaşan Vladimir Kramniklə qarşılaşıb. Məmmədyarov yenə rəqibi ilə xalları yarı bölüb.

Digər görüşlərdə isə Vişvanatan Anand Aleksandr Morozeviçi, Hikaru Nakamura Sergey Karyakini və Fabiano Karuana Maqnus Karlseni məğlub edib. Boris Gelfandla Dmitri Andreykin isə heç-heçəyə razılaşıb

Qeyd edək ki, 1 il öncə analoji yarışda ölkəmizi Teymur Rəcəbov təmsil etmişdi və o, Karlsenlə Karuananın ardından 3-cü olmuşdu. Məmmədyarov isə 2010-cu ildə eyni uğura imza atıb.


15 iyun
III tur
Vişvanatan Anand (Hindistan, 2786) - Aleksandr Morozeviç (Rusiya, 2760) – 1:0
Boris Gelfand (İsrail, 2755) - Dmitri Andreykin (Rusiya, 2713) – 0,5:0,5
Maqnus Karlsen (Norveç, 2864) - Fabiano Karuana (İtaliya, 2774) – 0:1
Hikaru Nakamura (ABŞ, 2784) - Sergey Karyakin (Rusiya, 2782) – 1:0
Şəhriyar Məmmədyarov (2753) - Vladimir Kramnik (Rusiya, 2803) - 0,5:0,5

Xal durumu: Məmmədyarov, Gelfand, Nakamura, Karuana – 2, Karlsen, Andreykin, Anand – 1,5, Karyakin, Morozeviç – 1, Kramnik – 0,5.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb