Rusiyanın paytaxtı Moskvada Mixail Talın xatirəsinə həsr edilən şahmat üzrə ənənəvi beynəlxalq turnir davam edir. Apasport.az saytının məlumatına görə, sayca 8-ci yarışın 8-ci günündə Şəhriyar Məmmədyarov növbəti görüşünə çıxıb.

Turnirdə ardıcıl 6 dəfə heç-heçə edən və yalnız 1 qələbə qazanan qrossmeysterimiz liderə qarşı mübarizə aparıb. Məmmədyarovun rəqibi israilli şahmatçı Boris Gelfand olub. Təmsilçimiz növbəti dəfə xalları yarı bölüb.

Digər görüşlərdə isə Aleksandr Morozeviç Fabiano Karuanaya, Hikaru Nakamura Maqnus Karlsenə uduzub. Dmitri Andreykinlə Sergey Karyakin və Vişvanatan Anandla Vladimir Kramnik heç-heçəyə razılaşıb.

Qeyd edək ki, 1 il öncə analoji yarışda ölkəmizi Teymur Rəcəbov təmsil etmişdi və o, Karlsenlə Karuananın ardından 3-cü olmuşdu. Məmmədyarov isə 2010-cu ildə eyni uğura imza atıb.

22 iyun
VIII
Aleksandr Morozeviç (Rusiya, 2760) - Fabiano Karuana (İtaliya, 2774) – 0:1
Dmitri Andreykin (Rusiya, 2713) - Sergey Karyakin (Rusiya, 2782) - 0,5:0,5
Vişvanatan Anand (Hindistan, 2786) - Vladimir Kramnik (Rusiya, 2803) - 0,5:0,5
Boris Gelfand (İsrail, 2755) - Şəhriyar Məmmədyarov (2753) - 0,5:0,5
Maqnus Karlsen (Norveç, 2864) - Hikaru Nakamura (ABŞ, 2784) – 1:0

Xal durumu: Gelfand – 5,5, Karlsen – 5, Məmmədyarov, Andreykin, Nakamura, Karuana – 4,5, Karyakin –3,5, Anand – 3, Morozeviç, Kramnik – 2.5.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb