Bu gün şahmat üzrə Qran-Prinin V mərhələsində III turun oyunları keçirilib. Apasport.az saytının məlumatına görə, Çinin paytaxtı Pekində keçirilən yarışda qüvvəsini sınayan 12 qrossmeyster növbəti matçlarına çıxıb.

Turnirdə mübarizə aparan, ardıcıl 2-ci dəfə heç-heçəyə razılaşan və aktivində 1 xal olan yeganə təmsilçimiz Şəhriyar Məmmədyarov ilk qələbəsini qazanıb. Belə ki, həmyerlimiz Ukraynadan olan şahmatçı Vasili İvançuka qalib gəlib.

Digər görüşlərdə isə Aleksandr Morozeviç Sergey Karyakinə, Boris Gelfand Aniş Giriyə uduzub. Peter Leko ilə Van Yue, Qata Kamski ilə Veselin Topalov və Van Hao ilə Aleksandr Qrişuk heç-heçə edib.

III tur
6 iyul
Aleksandr Morozeviç (Rusiya, 2736) - Sergey Karyakin (Rusiya, 2776) - 0:1
Boris Gelfand (İsrail, 2773) - Aniş Giri (Hollandiya, 2734) - 0:1
Peter Leko (Macarıstan, 2737) - Van Yue (Çin, 2705) - 0,5:0,5
Qata Kamski (ABŞ, 2763) - Veselin Topalov (Bolqarıstan, 2767) - 0,5:0,5
Vasili İvançuk (Ukrayna, 2733) - Şəhriyar Məmmədyarov (Azərbaycan, 2761) - 0:1
Van Hao (Çin, 2752) - Aleksandr Qrişuk (Rusiya, 2780) - 0,5:0,5

Turnir cədvəli: Karyakin – 3, Məmmədyarov, Topalov, Qrişuk – 2, Leko, Giri, Van Yue – 1,5, Kamski, Morozeviç, İvançuk, Van Hao – 1, Gelfand – 0,5

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb