UFC versiyası üzrə dünya çempionu Həbib Nurməhəmmədovun növbəti döyüşdən əldə edəcəyi məbləğ açıqlanıb. 

APA-nın məlumatına görə, yüngül çəki dərəcəsində çıxış edən rusiyalı döyüşçü Dastin Porye ilə qarşılaşmada 6 milyon dollardan çox qazanacaq. 

Bunu idmançının atası Abdulmanap Nurməhəmmədov deyib. O bildirib ki, oğlu 2 milyon dollar əldə etdiyi irlandiyalı Konor Makqreqorla döyüşdən qat-qat artığına sahib olavaq: “Qonorar əvvəlki döyüşlə müqayisədə 3-3,5 dəfə çox olacaq. Biz öz qiymətimizi bilirik. Qəpik-quruş üçün döyüşmürük. Əvvəlki məbləğ bizim üçün azdır. Çünki biz indi daha yaxşıyıq”. 

Qeyd edək ki, H. Nurməhəmmədovun amerikalı D. Porye ilə görüşü sentyabrın 7-də Əbu-Dabidə olacaq. 

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO