15 və 17 yaşadək yeniyetmələr arasında ağır atletika üzrə Avropa birinciliyi davam edir.

Apasport.az saytının məlumatına görə, İsrailin Eylat şəhərində keçirilən çempionatda Azərbaycan ağırlıqqaldıranları da mübarizə aparır.

15 yaşadək atletlərin yarışında qüvvəsini sınayan Nurlan Məmmədzadənin (73 kq) çıxışı uğurlu alınıb. O, birdən qaldırma hərəkətində 115 kq nəticə ilə 5-ci yeri tutub. Atletimiz təkanla qaldırma hərəkətində daha uğurlu nəticəyə imza atıb. Nurlan 145 kq-ı ram edərək bu hərəkətdə 1-ci yeri tutub.

Yeniyetmə atletimiz bununla da öz yaş qrupunun bu çəkisində təkanla qaldırmada yeni rekorda imza atıb. İki hərəkətin cəmində 260 kq (115+145) nəticə göstərən atlet Avropa çempionatının gümüş mükafatçısı olub.

Qeyd edək ki, komandamızın heyətində daha öncə Elşən Məmmədov (61 kq) çempion olub. Rüstəm Qasımov (67 kq) isə təkanla qaldırmada “kiçik bürünc” qazanıb. 
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"