Rusiyanın Kazan şəhərində keçiriləcək Birlik Ölkələri Oyunlarının vaxtı dəyişdirilib.

Apasport.az xəbər verir ki, bu barədə məlumatı Rusiyanın idman naziri Oleq Matıtsin verib.

O, ölkəsinin mətbuatına açıqlamasında bu addımı koronavirus pandemiyası səbəbindən atdıqlarını deyib. Matıtsinin sözlərinə görə, avqustda baş tutmalı olan multiidman yarışı bir ay sonraya ertələnib: “Yarışı sentyabrın əvvəlində keçirməyi planlaşdırırıq”.

Qeyd edək ki, Azərbaycan, Belarus, Ermənistan, Qazaxıstan, Qırğızıstan, Rusiya, Moldova, Tacikistan, Türkmənistan, Özbəkistan və Ukraynanın razılıq verdiyi yeni turnir avqustun 20-27-də keçirilməli idi. Yarışda 21 idman növü üzrə 280 dəst medal uğrunda 11 ölkədən 2500 idmançının iştirakı planlaşdırılır.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib