“Formula-1” üzrə Böyük Britaniya Qran-Prisinin vaxtı müəyyənləşib.

Apasport.az saytının məlumatına görə, yarış avqustun ilk yarısında keçiriləcək.

“Formula-1” rəhbərliyi avqustun ilk iki həftəsonunu “Silverstoun”dakı yarış üçün saxlayıb. Düzdür, koronavirus pandemiyası üzündən ölkədəki durum dünya çempionatının mərhələsinin təşkilini təhlükə altına salıb. Lakin baş nazir Boris Conson yarışın təşkilinə kömək üçün göstəriş verib.

“Formula-1” üzrə dünya çempionatının Avropa bölümünün yekun təqvimi iyunun 1-də açıqlanmalıdır. Çempionatın iyulun 5-də Avstriya Qran-Prisi ilə start götürəcəyi gözlənilir.

Qeyd edək ki, əvvəlki mərhələlər, o cümlədən Azərbaycan Qran-Prisi koronavirus səbəbindən baş tutmayıb. Bəzi yarışlar ləğv edilib, bəziləri təxirə salınıb.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib