Almaniya Qran-Prisinin təşkilatçıları “Formula-1” üzrə dünya çempionatının mərhələsini qəbul etməyə hazır olduğunu açıqlayıb.

Apasport.az saytının məlumatına görə, almaniyalılar baş tutması sual altına düşən Böyük Britaniyadakı mərhələlərin ev sahibi olmaq niyyətindədir.

Ölkəyə daxil olanlara iki həftəlik karantin tətbiqi barədə qərarın qəbul edilməsi “Silverstoun”dakı yarışın təşkilinə əngəl yaradıb. “Formula-1” rəhbərliyi və mərhələnin təşkilatçılar bu yarış üçün istisnanın olacağına ümid etsə də, hələlik qeyri-müəyyənlik hökm sürür.

Almaniya isə “Silverstoun”dakı hər iki mərhələni qəbul etməyin əleyhinə deyil. “Hokkenhaymrinq” artıq indidən bunun üçün hazır vəziyyətdədir.

Qeyd edək ki, mərhələlərinin bəziləri ləğv olunan, bəziləri, o cümlədən Bakıdakı yarış isə təxirə salınan çempionat hələ start götürməyib.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib