Bu gün Bolqarıstanın paytaxtı Sofiyada cüdo üzrə Avropa çempionatı başlayıb.

Apasport.az saytının məlumatına görə, sayca 71-ci qitə birinciliyinin ilk mükafatları sahiblərini tapmamış yarışın tarixinin medal sıralaması açıqlanıb.

1951-ci ildən keçirilən yarışda indiyədək 983-ü qızıl olmaqla 3883 medalın sahibi bəlli olub. Mükafat qazanan 47 ölkədən biri də Azərbaycandır.

Yığmamız indiyədək 12 qızıl, 16 gümüş və 23 bürüncə yiyələnib. Nəhs – 13-ü çempionluq arzusunda olan milimiz ümumilikdə 51 dəfə fəxri kürsüdə yer alıb.

Azərbaycan cüdoçuları Avropa çempionatları tarixinin medal sıralamasında 16-cıdır. 15-ci olan Ukraynadan 3 qızıl geri olan komandamızın irəliləməsi çətin görünür. İzləyicilərimiz Portuqaliya və Türkiyə cəmi bir çempionluq geridə olduğundan mövqeyimizi qorumaq lazımdır.

Qeyd edək ki, siyahıya Fransa başçılıq edir. İkinci yerdə Niderland, üçüncü pillədə Almaniya qərarlaşıb. 

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib