Beynəlxalq Taekvondo Federasiyası yeni reytinq cədvəlini açıqlayıb.

APA-nın məlumatına görə, yeni siyahı ilk “25-liy”ində Azərbaycan millisinin 4 taekvondoçusu yer alıb. 

Komandamızın heyətində ən yaxşı nəticə Milad Beiqi Harçeqaniyə məxsusdur. 80 kq çəki dərəcəsində mübarizə aparan idmançı 434,85 xalla yenə ikinci yerdədir. O, ilk pillədə qərarlaşan rusiyalı Maksim Xramtsovdan 75,9 xal geri qalır. 

Olimpiya çəkiləri üzrə açıqlanan siyahıda taekvondoçularımızdan Fərqidə Əzizova (67 kq) da mövqeyini qoruyub. Təmsilçimiz 155,92 xalla 19-cu yerdə qərarlaşıb. 

Millimizin heyətində Cavad Ağayev irəliləyib. 68 kq-da qüvvəsini sınayan taekvondoçu 1 rəqibini qabaqlamaqla, 17-ci yerə qalxıb. Onun aktivində 179,57 xalı var. 

Olimpiya çempionu Radik İsayev (+80 kq) isə mövqeyini əldən verib. Milli üzvü 9-cu yerə enib və 228,56 xala malikdir. 
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"