Azərbaycan milli komandasının heyətində dəyişiklik edilib.

APA-nın məlumatına görə, İspaniyanın "Albasete" klubunun futbolçusu Eddi İsrafilov AVRO-2020-nin seçmə mərhələsi çərçivəsində noyabrın 16-da "Bakcell Arena"da keçiriləcək Azərbaycan - Uels oyununda iştirak edə bilməyəcək.

Bu səbəbdən də onun əvəzinə millinin heyətinə "Zirə"dən Elvin Camalov çağırılıb.

Buna səbəb E.İsrafilovun milliyə dəvət olunması barədə "Albasete" klubuna göndərilmiş müraciət məktubu ilə bağlı texniki problemdir. Buna görə klub futbolçunun noyabrın 17-dən etibarən Azərbaycan milli komandasının düşərgəsinə qoşula biləcəyini bildirib.

Məsələ ilə bağlı AFFA tərəfindən FİFA-ya müvafiq qaydada məlumat verilib.

E.İsrafilov millimizin noyabrın 19-da səfərdə Slovakiya yığmasına qarşı keçirəcəyi oyun üçün təşkil olunacaq təlim-məşq toplanışında iştirak edəcək.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"