Triatlon üzrə Azərbaycan millisi koronavirus pandemiyası ilə bağlı fasilədən sonra ilk yarışa qatılıb.

Azərbaycan Triatlon Federasiyasından apasport.az saytına verilən məlumata görə, mövsümün bərpası idmançımız üçün uğurlu alınıb.

Təmsilçimiz Rostislav Pevtsov 50 atletin qatıldığı sprint üzrə Ukrayna açıq çempionatında qüvvəsini sınayıb. Ötən il Avropanın ən yaxşı triatlonçusu seçilən milliləşdirilmiş legioner gümüş medal əldə edib.

Qeyd edək ki, koronavirus üzündən planları pozulan triatlon yığmamız bir neçə aydır Ukraynada hazırlıq keçir. Millimiz avqustun 28-30-da Estoniyanın Tartu şəhərində Avropa çempionatına hazırlığı ölkə xaricində tamamlayacaq.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib