İsveçrə milli komandası AVRO-2020-nin qrup mərhələsi zamanı Azərbaycanda məskunlaşacaq.

Apasport.az saytının məlumatına görə, bu, oyunları Roma və Bakıda keçiriləcək A qrupunda yer alan komandanın baş məşqçisi Vladimir Petkoviçin istəyidir.

Mütəxəssis ölkəmizdə düşərgə salmağın tərəfdarıdır: “Şübhəsiz ki, Bakıya uzaq səfər futbolçular üçün ağır yük olacaq. Buna görə də qrupun iki oyununu keçirəcəyimiz şəhərdə düşərgə qurmaq planından imtina etməyəcəyik”.

Artıq bu gün İsveçrə Futbol Federasiyasının nümayəndə heyəti Bakıya gələcək. Heyətdə yığmanın menecerləri və təhlükəsizlik xidmətinin əməkdaşları da yer alacaq. Onlar infrastrukturla tanış olacaq, komandanın harada qalmasını dəqiqləşdirəcək.

V.Petkoviç şəhər haqda eşitdiklərindən də məmnundur: “Biz də eşitmişik ki, Bakıda məşq meydançaları, bazalar, otellər, restoranlar yüksək səviyyədədir”.

Qeyd edək ki, Bakıda iki oyun keçirəcək İsveçrə yığması iyunun 13-də Uels, 21-də Türkiyə ilə qarşılaşacaq.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"