“Karyeramı bitirmək barədə qərar düzgün vaxtda qəbul olundu”.

Apasport.az saytının məlumatına görə, bunu peşəkar karyerasını bir müddət əvvəl başa vuran Rusiya tennisçisi Mariya Şarapova deyib.

Fərdi yarışlarda 36 turnirin, o cümlədən 5 dəfə “Böyük dəbilqə” seriyasından olan yarışın qalibi adına yiyələnmiş 33 yaşlı idman veteranı fevralın 26-da açıqladığı qərarı koronavirus pandemiyası üzündən bütün yarışların dayandırılması ilə əsaslandırıb: “Əks halda isə indi daim o barədə düşünəcəkdim ki, növbəti məşq nə vaxt olacaq və bu mənim nəyimə lazımdır. Koronavirus idmanla bağlı çox sayda suallar yaradıb”.

Qeyd edək ki, Peşəkar Tennisçilər Assosiasiyası (ATP) və Qadın Tennis Assosiasiyası (WTA) marda koronavirus pandemiyası üzündən yarışları dayandırmaq barədə qərar verib. Turnirlər iyunun 7-dək təxirə salınıb. Lakin sonradan vəziyyətin pisləşməsinə görə fasilə iyulun 13-dək uzadılıb. Uimbldon turniri ləğv edilib, Rolan Qarros sentyabra təxirə salınıb.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"