FİDE-nin təşkil etdiyi sürətli şahmat üzrə Onlayn Olimpiadada mərhələ adlayan ölkələrin adları dəqiqləşib. 

Apasport.az saytının məlumatına görə, Top-divizion komandaların 4 qrupda mübarizəsi yekunlaşdıqdan sonra Azərbaycan yığmasının da potensial rəqibləri bəlli olub. 

B qrupundan 1-ci yerlə birbaşa 1/4 finala yüksələn komandamız Bolqarıstan – Polşa cütünün qalibi ilə üz-üzə gələcək. C qrupunun ikincisi ilə D qrupunun üçüncüsü avqustun 27-də münasibətinə aydınlıq gətirəcək. Bu qarşılaşmanın ertəsi günü isə 1/4 final mərhələsi keçiriləcək. 

Azərbaycan şahmatçıları kimi, Hindistan, Rusiya və ABŞ milliləri də qrup mərhələsini lider kimi bitiriblər. Onlar 1/4 finala yüksəldiyi halda, Çin, Almaniya, Macarıstan Ukrayna, Bolqarıstan, Ermənistan, Yunanıstan və Polşa 1/8 finalda oynayacaqlar. 
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"