Azərbaycanın qadın cüdoçusu Aişə Qurbanlının Tokio-2020 Yay Olimpiya Oyunlarında mübarizə apardığı 48 kq çəki dərəcəsinin qalibi müəyyənləşib. 

Apasport.az saytının məlumatına görə, Kosovo təmsilçisi Distriya Krasniki bütün rəqiblərinə qalib gələrək, qızıl medal qazanıb. 

O, həlledici görüşdə yaponiyalı Funa Tunakidən güclü olub. 25 yaşlı Krasniki Kosovo tarixində qızıl mükafata yiyələnən ikinci idmançı olub. 

2016-cı ildə Braziliyada təşkil edilən Olimpiadada Kosovonun heyətində ilk çempionluğu başqa bir cüdoçu Malinda Kelmendi (52 kq) əldə edib. 

Qeyd edək ki, 48 kq-da ukraynalı Dariya Bilodid və monqolustanlı Urantsetseq Munxbat bürünc mükafat qazanıb.
 

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib