Koronavirus pandemiayası dövründə onlayn blits şahmat üzrə bir sıra turnirlər keçirən FİDE daha böyük layihəni gerçəkləşdirəcək.

Apasport.az saytının məlumatına görə, qurum onlayn Olimpiadanın keçiriləcəyini açıqlayıb.

Yarış 2020-ci il iyulun 22-də start götürəcək. Olimpiadaya avqustun 30-da yekun vurulacaq.

Qarışıq komandaların mübarizəsində hər yığmada 6 şahmatçı yer alacaq. Bunlardan ən azı ikisi qadın olmalıdır. Həmçinin hər komandada bir oğlan və bir qız 20 yaşadək olmalıdır. Bundan başqa, hər yığma 6 ehtiyat oyunçu və kapitan sifariş edəcək.

Olimpiada iki mərhələdən ibarət olacaq. Öncə komandalar 4 divizionda – Top, I, II və III divizionda mübarizə aparacaq. Qeydiyyatdan keçən komandaların sayı 145-dən çox olsa, təsnifat xarakteri daşıyan Baza divizionu da oynanılacaq. Ardınca pley-off baş tutacaq. 

Qeyd edək ki, hələlik divizionların tərkibləri rəsmən açıqlamayıb. Azərbaycan yığmasının 40 komandanın yer alacağı Top-divizionda mübarizə aparacağı gözlənilir.
 

• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub