2020-ci ildə Rusiyada təşkil olunacaq şahmat üzrə İddiaçılar turniri və Olimpiadanın yerinin dəyişdirilmək təhlükəsi yoxdur.
 
Apasport.az saytının məlumatına görə, bu, Beynəlxalq Şahmat Federasiyasının (FİDE) bəyanatında əks olunub.

Ümumdünya Antidopinq Agentliyinin (WADA) Uyğunluq üzrə Komitəsi Rusiyanın 4 illik bütün yarışlardan kənarlaşdırılması və bu müddətdə böyük turnirlərin təşkilatçılığı hüququndan məhrum olunmasını tövsiyə edib. FİDE-nin yaydığı bəyanatda bildirilir ki, WADA-nın İcraiyyə Komitəsi cəza tətbiq etsə belə, adıçəkilən iki yarışa şamil olunmayacaq:

“İddiaçılar turniri və Ümumdünya Şahmat Olimpiadasının 2020-ci ildə təşkil olunması ilə bağlı müqavilələr artıq imzalanıb. Hər iki halda tədbirin təşkili üçün yalnız bir sifariş qəbul olunduğunu nəzərə alsaq, hesab edirik ki, turnirlər WADA-nın istisna hallarına aiddir”.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"