Ümumdünya Antidopinq Agentliyinin (WADA) mümkün cəzası Rusiyanın AVRO-2020-nin final mərhələsinin matçlarını və Çempionlar Liq    asının 2020/21 mövsümünün həlledici oyununa ev sahibliyi etməsinə əngəl olmayacaq.

Apasport.az saytının məlumatına görə, bunu agentliyin prezidenti Vitold Banka açıqlayıb.

O bildirib ki, Uyğunluq üzrə Komitəsinin tövsiyəsinə əsasən Rusiyaya 4 illik cəza verilsə, adıçəkilən turnirlərə şamil olunmayacaq: “Komitənin tövsiyələri Rusiyanı əsas idman tədbirlərindən kənarlaşdırmaqla bağlıdır. Belə yarışlara Olimpiya Oyunları, Paralimpiya Oyunları, Avropa Oyunları və dünya çempionatları aiddir. Bir sözlə, çətin ki, sanksiyalar Avropa çempionatının final mərhələsi və Çempionlar Liqasının final matçına təsir etsin”.

Qeyd edək ki, WADA-nın İcraiyyə Komitəsinə Rusiyanın 4 il müddətində bütün idman yarışlarından kənarlaşdırmaq tövsiyə olunub.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"