Bu gün qadınlar arasında onlayn sürətli şahmat üzrə dünya çempionatı Qran-Prinin üçüncü mərhələsi start götürəcək.

Apasport.az saytının məlumatına görə, 16 zəka sahibinin qatılacağı yarış öncəsi 1/8 final cütləri müəyyənləşib.

Azərbaycanın yarışdakı yeganə təmsilçisi Günay Məmmədzadənin rəqibi bəlli olub. Şahmatçımızın dünya çempionu Ju Venjunla üz-üzə gələcək.

I mərhələdə 1/4, II mərhələdə 1/8 finalda mübarizəni dayandıran çinli qrossmeyster klassik şahmatda olduğu qədər güclü rəqib deyil. Bu səbəbdən də əvvəlki turnirlərlə erkən vidalaşan Günay aktivinə ilk xalları yazmaq üçün mübarizə aparacaq.

Təmsilçimiz ilk turnirdə rusiyalı Aleksandra Kostenyuka 0:11, ötən yarışda sabiq dünya çempionu çinli Yifen Hou 4,5:5,5 hesabı ilə uduzub.

Qeyd edək ki, iki mərhələdən sonra ukraynalı Anna Uşenina 12 xalla liderdir.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib