Azərbaycan yığması Tokio-2020 Yay Paralimpiya Oyunlarına üçüncü lisenziyanı qazanıb.

APA-nın məlumatına görə, bu uğura güllə atıcısı Yelena Taranova nail olub. 

O, Avstraliyanın Sidney şəhərində paraatıcılıq üzrə dünya çempionatında 25 m məsafəyə atəşaçmada ilk 20 idmançı sırasına düşüb. Bu nəticə ona gələn il Yaponiyanın paytaxtı Tokioda keçiriləcək Yay Paralimpiya Oyunlarında iştirak etmək hüququ əldə edib. İkiqat Paralimpiada mükafatçısı 10 və 50 m məsafəyə atışlarda da dəqiqliyini yoxlayacaq.

Qeyd edək ki, Y. Taranovadan öncə parapauerliftinqçi Elşən Hüseynov və paraüzgüçü Roman Saley də Tokio-2020-yə lisenziya qazanıb.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO