Azərbaycanın Əməkdar bədən tərbiyəsi və idman xadimi, Əməkdar məşqçi, Beynəlxalq dərəcəli hakim Sara Sultanovanın xatirəsinə həsr olunan stolüstü tennis turnir başa çatıb. 

Apasport.az saytının məlumatına görə, Azərbaycan Stolüstü Tennis Federasiyasının təşkil etdiyi yarışda veteran idmançılar bacarıqlarını göstəriblər. 

Qadınların mübarizəsində Billurə Eminova qalib gəlib. Rüfət Əliyeva 2-ci, Xəyalə Qiyasova 3-cü yeri tutub.  

40-49 yaşlı kişilərin turniri Zaur Mikayılovun qələbəsi ilə nəticələnib. Məzahir Həsənov 50-59, İlham Ağayev 60 yaş və yuxarı yaş qrupunda 1-ci olub. Qoşa turnirdə isə, Rəhim Hüseynov – Əli Heydəri tandemi qələbə çalıb. Turnirin qalibləri Azərbaycan Stolüstü Tennis Federasiyası tərəfindən mükafatlandırılıb.
 

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib