Ümumdünya Şahmat Olimpiadasının "Top-divizion"unda yarımfinalçılar müəyyənləşib.

Apasport.az saytının məlumatına görə, dünən keçirilən 1/4 final mərhələsindən sonra yoluna davam edən 4 komanda bəlli olub.

Azərbaycan millisi yer aldığı B qrupunu 1-ci pillədə tamamlamasına baxmayaraq, 1/4 finalda Polşaya məğlub olub. İlk dueldə Polşa (4:2), ikincidə isə Azərbaycan (4,5:1,5) qalib gəldiyindən, "armageddon" oynanılıb. Burada isə millimizin üzvü Günay Məmmədzadə rəqibinə yenilib.

Digər cütlüklərin birində Ermənistan yığmasına texniki məğlubiyyət verilib. Buna səbəb Hindistanla görüşdə şahmatçılardan birinin interneti kəsildiyi üçün məğlub hesab edilməsinə komandanın etirazı olub. Ermənistan yığması yarışdan çıxdığından, onlara 0:6 hesablı texniki məğlubiyyət verilib.

Beləliklə, bu gün baş tutacaq yarımfinal cütlərində Polşa Hindistanla, Rusiya isə ABŞ-la üz-üzə gələcək.

Qeyd edək ki, Ümumdünya Şahmat Olimpiadasının finalı avqustun 30-da keçiriləcək.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"