FİDE-nin təşkil etdiyi sürətli şahmat üzrə Onlayn Olimpiadada Azərbaycan millisinin rəqibləri dəqiqləşib.

Apasport.az saytının məlumatına görə, Top-divizionda mübarizə aparacaq yığmamız B qrupunda yer alıb. 

Təmsilçilərimizin rəqibləri Ukrayna, Qazaxıstan, Macarıstan, Cənubi Afrika Respublikası, Slovakiya, İspaniya, Norveç, Fransa və Niderland şahmatçıları olacaqlar. 

Görüşlərə avqustun 19-da start veriləcək və ayın 30-da bitəcək. Həlledici mərhələdə 4 qrupun hərəsində 10 komanda qüvvəsini sınayacaq.

Qeyd edək ki, yığmamız Olimpiadada Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva ilə mübarizə aparacaq. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımov olacaqlar.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"