AFFA-nın İntizam Komitəsinin iclası keçirilib.

Apasport.az xəbər verir ki, iclasda Azərbaycan Premyer Liqasının XXI turunda baş verənlər müzakirə olunub və İntizam Komitəsinin qərarları açıqlanıb.

“Səbail” – “Qarabağ” oyununda 4 futbolçusu sarı vərəqə alan qonaqları 700 manat cərimələnib. Matçın 66-cı dəqiqəsində ikinci sarıdan qırmızı vərəqə alan Maksim Medvedev 1 oyun cəzalanıb və klubunu 500 manat ziyana salıb.

“Sabah” – “Turan Tovuz” görüşü bitdikdən sonra meydançaya kənar şəxslər daxil olduğuna görə Bakı klubu 800 manat cərimə edilib. Qonaq azarkeşlərin oturduğu sektorda sındırılmış 6 ədəd oturacaqla bağlı stadiona dəymiş zərər “Turan Tovuz” klubu tərəfindən qarşılanmasına qərar verilib.