AFFA ölkə xaricində yaşayan azərbaycanlı futbolçuları milli komandalarımıza cəlb etmək istəyir.

Apasport.az saytına verilən məlumata görə, federasiya indi də Qazaxıstanda dünyaya gələn və əslən Azərbaycandan olan Raul Allahverdiyevlə maraqlanır.

Qurum aşağı yaş qruplarından ibarət yığma komandalarımızda oynamaq üçün onu yola gətirmək niyyətindədir. Belə ki, bir müddət əvvəl AFFA-dan dəvət alsa da, bundan imtina edən və Qazaxıstan yığmasında oynamağı seçən 18 yaşlı futbolçuya federasiya tərəfindən yenidən təklif göndərilib.

Mərkəz hücumçusu Qazaxıstanın U-17 yığmasının formasını geyinib. 

“Jenis” yetirməsi olan Allahverdiyev hazırda “Okjetpes”də icarə əsasında oynayır. Dekabrda isə o, müqavilə ilə məxsus olduğu “Jenis”ə qayıdacaq.

• Junior Martins: "Bu gücü özümüzdə görürəm”
• Danışılmış oyunlarla bağlı seminar keçirilib
• Türkiyə klublarının avrokubok matçlarının baş hakimləri bəlli olub
• Təxirə salınmış “Zirə” – “Araz-Naxçıvan” oyununun təyinatları müəyyənləşdi
• AFFA "Neftçi"ni cəzalandırdı