Avropa Oyunları: Yığmamız yarışı ikinci pillədə bitirdi

Avropa Oyunları: Yığmamız yarışı ikinci pillədə bitirdi - SİYAHI

24.06.2023 - 02:19

Polşada təşkil olunan III Avropa Oyunlarında karate yarışlarına yekun vurulub.

Apasport.az xəbər verir ki, Azərbaycan karateçiləri yarışı 2 qızıl və 1 bürünc medalla başa vurublar.

Qızıl medalları komandamıza Tural Ağalarzadə (67 kq) və İrina Zaretska (68 kq) qazandırıblar. Asiman Qurbanlı (+84 kq) isə üçüncü olub.

Üç medalla Azərbaycan millisi 33 ölkənin qatıldığı yarışda ikinci sıraya şərik olub. Komandamız kimi İspaniya yığmasının da hesabında 2 qızıl, 1 bürünc medal var. Siyahıya Ukrayna başçılıq edir. Onlar 2 qızıl, 1 gümüş və 1 bürünc mükafat əldə ediblər.

Karate yarışlarında, ümumilikdə 22 ölkədən idmançılar mükafatçılar sırasında yer alıblar.

İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparır. İdmançılar 29 növ üzrə 253 dəst medalın sahibini müəyyənləşdirəcək. Azərbaycan Krakov-2023-də 14 növ üzrə 101 idmançı ilə təmsil olunur.

Qeyd edək ki, tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında Bakı-2015-də 2-ci, Minsk-2019-da 10-cu yeri tutub.

1	Ukrayna	2	1	1	4	3
2	Azərbaycan	2	0	1	3	5
2	İspaniya	2	0	1	3	5
4	Almaniya	2	0	0	2	7
5	Türkiyə	1	1	4	6	2
6	Albaniya	1	0	0	1	11
6	Avstriya	1	0	0	1	11
6	Xorvatiya	1	0	0	1	11
9	İtaliya	0	3	4	7	1
10	Yunanıstan	0	2	2	4	3
11	Fransa	0	1	1	2	7
11	İsveçrə	0	1	1	2	7
13	Bolqarıstan	0	1	0	1	11
13	Niderland	0	1	0	1	11
15	Polşa	0	0	2	2	7
16	Ermənistan	0	0	1	1	11
16	Belçika	0	0	1	1	11
16	Kipr	0	0	1	1	11
16	Gürcüstan	0	0	1	1	11
16	Lüksemburq	0	0	1	1	11
16	Portuqaliya	0	0	1	1	11
16	Rumıniya	0	0	1	1	11