“Mən Polşada keçirilən Avropa Oyunlarındakı mübarizəmə çox yaxşı başladım”. 

Bunu apasport.az saytına açıqlamasında Azərbaycan millisinin karateçisi İrina Zaretska deyib.

Krakov-2023 III Avropa Oyunlarında qrup mərhələsini üç qələbə ilə başa vuran idmançımız çıxışını dəyərləndirib: “İlk görüşlərimin hamısını qələbə ilə başa vurdum. Belə də davam etmək istəyirəm. Fikrimcə, nəticələrim çox yaxşıdır”. 

Zaretska əsas hədəfini açıqlayıb: “İndi isə qarşımda əsas məqsəd finalda da rəqiblərimi məğlub edərək, qələbə qazanmaqdır. Bunun üçündə əlimdən gələni edəcəyəm”.

Qeyd edək ki, İrina yarımfinala vəsiqə ilə yarışın medallarından birini təmin edib.
 

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”