Misli Premyer Liqasının III turu çərçivəsində “Şamaxı” səfərdə "Sumqayıt"la 1:1 hesablı heç-heçə edib.

Apasport.az xəbər verir ki, qonaqların baş məşqçisi Ayxan Abbasov oyundan sonra keçirilən mətbuat konfransında jurnalistlərin suallarını cavablandırıb.

"Gərgin oyun olacağını bilirdik. “Sumqayıt” mövsümə yaxşı başlayıb. Biz də xal qazanmaq istəyirdik. Ötən oyun alınmamışdı. Bu gün iki tərəfin də hücumları oldu. Standart vəziyyətlərdən qollar vuruldu. Futbolçularım qol buraxandan sonra dağılmadı. Bundan sonra daha çox epizod bizdə oldu. İki komanda da bir xala layiq idi. Fasilə var. Çempionat gərgin keçir.

– Qarşıdan U-21-in Portuqaliya ilə oyunu var. Hazırlaşmaq çətin olmur?
– Portuqaliyanı təhlil etmişik. Böyük təcrübə olacaq. Ümid edirəm ki, bu sınaqdan üzüağ çıxarıq. İnanıram.

– Saşa İliç Rafaelin cinahın bağlayıb, Rüfət tərəfdən hücum edirdi…
– İki oyundur, sürprizlərlə qarşılaşırıq. “Sabah”la oyunda Amin Seydiyevin və Rəhmanın cinahda oynamasına hazır deyildik. Çünki buna qədər belə oynamamışdılar. Bu gün də Yankoviçin oynamaması maraqlı gəldi. Onu “Çukariçki”dən tanıyıram. İkinci hissədə meydana daha gümrah daxil oldu. Çətinlik çəkdik, qoldan sonra sistemi dəyişdik.

– İki hücumçuya keçəndən sonra epizodlar yaratdınız. Qarşıdakı oyunlarda bu sistemlə davam etməyi düşünürsünüz?
– İki hücumçu ilə oynamağı sevirəm. Yoldaşlıq görüşlərində bunu yoxlamışdıq. Qol buraxandan sonra rəqib ehtiyatlı oynamağa başladı. Son dəqiqələrdə yaxşı epizodlarımız oldu.

– Edqarın vurduğu qol qayıdışına təkan ola bilər?
– “Sabah”la oyunundan razı qalmışdım. Gənc futbolçularda stabillik həmişə olmur. Hər şey nəzarətimizdədir. Yaşla bağlı müəyyən şeylər var. Edqarın böyük potensialı var. Portuqaliya, Bolqarıstan kimi matçlar onlara kömək olacaq.

• “Turan Tovuz”dan erkən qol - YENİLƏNİR
• “Şamaxı” “Sumqayıt” səfərindən bir xalla qayıdır - YENİLƏNİB
• Cüdo millimizdə qalmaqal: “Zelim Kotsoyevin qardaşıdır deyə, məni qovdular”
• U-17 Liqa və Gənclər Liqasında yeni mövsümün püşkü atılıb
• Azərbaycan Prezidenti “Qarabağ” Futbol Klubuna 5 milyon manat ayırıb - SƏRƏNCAM