Azərbaycan cüdoçuları Macarıstanda keçirilən Böyük dəbilqə turnirinin ikinci gününü 3 medalla başa vurub. 

Apasport.az saytının məlumatına görə, 73 kq çəkidə mübarizə aparan Hidayət Heydərov yarışı qızıl medalla başa vurub. 

Finalda gürcüstanlı olimpiya, dünya və Avropa çempionu Laşa Şavdatuaşvili ilə üz-üzə gələn cüdoçumuz qalib gələrək fəxri kürsünün ən yüksək pilləsinə qalxıb. 

Onunla eyni çəkidə yarışan Rüstəm Orucov kubalı Maqdiel Estradanı məğlub edərək, bürünc medal qazanıb. 

Yığmamızda debüt edən Səid Mollayi (81 kq) isə çıxışını gümüş medalla başa vurub. Milliləşdirilmiş idmançı finalda braziliyalı  Qilerme Şmitə uduzub. 

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib