Braziliya millisinin sağ cinah müdafiəçisi Danilo dünya çempionatının geridə qalan hissəsini qaçıracaq. Apasport.az-ın “pentakampeonlar”ın rəsmi saytına istinadən məlumatına görə, komandanın cümə axşamı Kazanda keçirilən məşqi zamanı 27 yaşlı futbolçu sol topuq bağlarından zədə alıb.

Braziliya yığmasının həkimi Rodriqo Lasmar aparılan yoxlamalar nəticəsində Danilonun zədəsinin ciddi olduğunun ortaya çıxdığını bildirib. Onun sözlərinə görə, müdafiəçinin dünya çempionatı müddəti ərzində bərpa prosesini keçib, meydanlara qayıtması mümkünsüzdü.

Buna baxmayaraq, Danilo millinin Rusiyadakı düşərgəsini tərk etməyəcək və çempionatın sonuna kimi komanda yoldaşlarının yanında olacaq.

• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb